एकीकृत नेकपा माओवादीका अध्यक्ष प्रचण्डले आफुले माधव नेपाललाई संबिधानसभा ल्याउनु बिषबृक्ष रोपेबराबर भएको टिप्पणी गर्नुभएको छ ।
धेरै साथीले मलाई तेरै कारणले यस्तो भयो भन्छन- राजधानीमा उद्योगी ब्यबसायीको भेलालाई सम्वोधन गर्दै प्रचण्डले भन्नुभयो- मैले ठानेको थिएँ मैले अमृत फलाउन खुब मेहेनत गरें, तर अहिले त बिषबृक्ष रोपेको जस्तो भयो ।’ बिगतको अनुभबलाई हरेर पनि माधव नेपाललाई संबिधानसभामा पठाउनुपर्छ भनेर आफैले जोड गरेर माधव नेपाललाई संबिधानसभा सदस्य बनाएको भन्दै प्रचण्ड भन्नुभयो- मलाई के थाहा यति ठूलो षडयन्त्र हुन्छ भन्ने ? मेरो उदेश्य यस्तो गर्नु थिएन सवैलाई समेटेर लानुपर्छ भन्ने थियो ।
कटवाल प्रकरण निमित्त भएको भन्दै प्रचण्डले यसका लागि मुलक बाहिरबाट योजना बनाइएको बताउनुभयो । संसदमा गिरिजाप्रसाद कोइरालाको संबोधनतर्फ संकेत गर्दै प्रचण्डले भन्नुभयो- गिरिजाबाबुले माधवजीलाई निमित्त भन्नुभयो, तर मलाई कटवाल निमित्तमात्र हो भन्ने लाग्छ, मुख्य कुरा परिवर्तनकारी र प्रतिगामीशक्तिवीच टक्कर पर्यो ।
बहुदलीय शासनकालमा राजा देखिने मालिक भएकाले उनीसंगमात्र वार्ता गर्ने भनिएपनि अहिले आफुलाई मालिक को हो भन्ने बिषयमा अन्योल भएको प्रचण्डको भनाई थियो । अहिले उनीहरुको देखिने मालिक छैन, अहिले मालिक फेरिएको भनौं , हराएको भनौं वा भूमिगत भएको भनौं- प्रचण्डको प्रश्न थियो ।
माओवादीले सत्ता कब्जा गर्न लागेको भन्ने फर्मुला बनाएर संबिधान र कानुन मिचिएको भन्दै प्रचण्डले सवै राजनीतिक दलको उदेश्य सत्ताकब्जानै भएकाले अन्यथा लिनुनपर्ने बताउनुभयो । अहिले अलिअलि भएको छ, अर्को चुनाव भयो भने पुरै सत्ता कब्जा हुन्छ- प्रचण्डले भन्नुभयो ।
एक पैसा भ्रष्टाचार गरेनौं
आफ्नो नेतृत्वको सरकारले धेरै काम गर्न नसकेपनि सरकारमा गएर भ्रष्टाचार नगरेको प्रचण्डले दावी गर्नुभयो । ‘हामीले एक पैसा भ्रष्टाचार गरेका छैंनौं, सवैभन्दा निष्कलंकित सरकारको रुपमा यो छ - प्रचण्डले भन्नुभयो- बाबुरामजीले धेरै दुख गरेर अरबौैं रुपैयाँ राजस्व जम्मा गरिदिनुभएको छ, खर्च गर्न सकिएन । अहिले हिजोकै मान्छे सरकारमा आएको भन्दै प्रचण्डले भन्नुभयो- हामीलाई डर छ त्यत्रो जम्मा गरिएको रकम के के मा खर्च गर्ने हुन भन्ने ।
मञ्चमा आसिन नेता डा बाबुराम भट्टराईको प्रसंसा गर्दै प्रचण्डले अर्थ मन्त्रालयको काममा सन्तोष ब्यक्त गर्नुभयो ।
तारबार लगाएर सहमति हुँदैन
आफु अहिलेपनि सहमति र सहकार्यको पक्षमा रहेको भन्दै प्रचण्डले ढोकामा ताल्चा लगाएर सहमतिको अर्थ नहुने बताउनुभयो । ‘ढोकामा ताल्चा लगाएर भित्र आइजा भन्ने, घर बाहिर करेन्टजडित काँडेतार लगाएर भित्र आउ सहमति गरौं भन्ने अनि कसरी सहमति हुन्छ ? प्रचण्डको प्रश्न थियो ।
कोइरालाले सहमति र सकार्यको कुरा गर्नुभयो, प्रचण्ड जी आउनुस भन्नुभयो, प्रचण्डले भन्नुभयो-मेरो पनि भनाई त्यहि हो ।
सात सालदेखिनै नेपालको राजनीतिमा समस्या रहेकेा भन्दै प्रचण्डले त्यसलाई उखेल्न खोज्दा सरकार ढलेको बताउनुभयो । म कहाँ घुम्न जाने भन्ने कुरा मैले नै निर्धारण गर्न पाउनुपर्छ अरुलाई सोध्ने हैन- प्रचण्डले भन्नुभयो ।
No comments:
Post a Comment