असमझदारीले बढाएको अन्योल

भाद्र ३० - केही समययता राष्ट्रिय राजनीति असमझदारी, मुठभेड र अन्योलतर्फ हुत्तिदै गएको छ । सत्ता र विपक्षबीच हुनुपर्ने न्यूनतम शिष्टता र हार्दिकतासमेत ह्रासोन्मुख देखिन्छ । खासगरी माओवादीले सरकारविरुद्ध गरिरहेको आन्दोलन चर्काउँदै जाँदा राजनीतिक तनाव बढेको हो । उनीहरूले प्रधानमन्त्री र मन्त्रीहरूको कार्यक्रम बहिष्कार तथा विरोध प्रदर्शन गर्ने क्रममा कालोझन्डा देखाउने मात्र नभई ढुंगामुढा र अवरोध सिर्जना गर्ने उग्रतासमेत देखाउन थालेका छन् । सोमबार विराटनगरमा प्रधानमन्त्री माधवकुमार नेपालको पूर्वनिर्धारित कार्यक्रममा हिंसक घेराउ गरिएपछि प्रहरीले लाठी र अश्रुग्याससमेत प्रहार गर्नुपर्‍यो । सोमबारै उपप्रधानमन्त्री विजयकुमार गच्छदारले काठमाडौंमा र ऊर्जामन्त्री प्रकाशशरण महतले नुवाकोटमा अवरोध र ढुंगामुढाको सामना गर्नुपर्‍यो । केही दिनयता अन्य मन्त्रीले पनि लगातार यस्तै व्यवहार भोग्नुपरिरहेको छ । सरकारविरुद्ध शान्तिपूर्ण विरोध प्रदर्शन गर्ने लोकतान्त्रिक अधिकार जो कोहीलाई हुन्छ तर विरोधका नाममा हूलहुज्जत र बलप्रयोग गर्न पाइँदैन भन्ने कुरा माओवादी नेताहरूले बुझ्नुपर्छ र यस्ता गतिविधि तत्काल रोक्नुपर्छ । सरकारले पनि माओवादी गतिविधि नियन्त्रण गर्ने नाममा अत्यधिक बल प्रयोग गर्ने र स्थितिलाई तनावपूर्ण बनाउने गल्ती गर्नु हुन्न ।
माओवादीले तत्कालीन प्रधानसेनापतिलाई पदमुक्त गर्ने आफ्नो सरकारको निर्णय राष्ट्रपतिले उल्टाएपछि नागरिक सर्वोच्चता कायम गरिनुपर्ने मागका साथ राष्ट्रपतिको उक्त कदमविरुद्ध आन्दोलन गरिरहेको छ । आन्दोलनको क्रमसँगै पक्ष-विपक्षका प्रमुख नेताहरूबीच वाकयुद्ध चर्केको छ जो प्रहरी, प्रदर्शनकारी भिडन्तभन्दा खतरनाक छ । प्रधानमन्त्री नेपालदेखि माओवादी अध्यक्ष पुष्पकमल दाहालसम्मका मुख्य नेताहरू एक-अर्काविरुद्ध व्यक्तिगत गालीगलौज र तल्लोस्तरका टीका-टिप्पणीमा उत्रेका छन् । यसले उनीहरूमा अविश्वास बढाउँदै लगेको छ जसले राजनीतिक सहमतिको सम्भावनालाई झन्-झन् टाढा पुर्‍याउने जोखिम छ । बिर्सनु हुन्न, गणतन्त्र, अन्तरिम संविधान, शान्ति प्रक्रियालगायत हाम्रा पछिल्ला राजनीतिक उपलब्धिहरू सहमतीय आधारमा सम्भव
भएका हुन् । अहिलेको प्रमुख राष्ट्रिय कार्यसूची बन्न पुगेको नयाँ संविधान निर्माण पनि प्रमुख दलहरूबीच न्यूनतम सहमति हुनसक्ने वा नसक्ने कुरामा निर्भर छ । त्यसैले एक सीमाभन्दा बढी अविश्वास उत्पन्न भएमा राष्ट्रिय जोखिम निम्तिन सक्छ । यो वास्तविकतालाई मुख्य दल र त्यसका प्रमुख नेताहरूले आत्मसात गर्नुपर्छ ।
अहिले मुलुकका अगुवा नेताहरूबीच मात्र होइन ती नेताहरूका पार्टीसमेत आन्तरिक द्वन्द्व र असमझदारीको चपेटामा परेका छन् । मुख्य सत्तारूढ दल एमालेमा अध्यक्ष झलनाथ खनाल र वरिष्ठ नेताद्वय प्रधानमन्त्री नेपाल, केपी शर्मा ओली पक्षधरबीच सार्वजनिक आरोप, प्रत्यारोप जारी छ । कांग्रेसमा सभापति गिरिजाप्रसाद कोइरालाको पुत्रीमोह खुलेरै प्रकट भएपछि उनको दशकौं पुरानो प्राधिकार पहिलोपटक संकटमा परेको छ । माओवादीभित्रको गुटगत गतिविधि हाललाई रोकिएको छ तर त्यसले स्थायी रोगका रूपमा जरा गाढिसकेको आभास मिल्छ । यस्तो अवस्थामा पार्टी-पार्टी र नेता-नेताबीच व्यक्तिगत कटुता र शत्रुता सिर्जना हुनु मुलुकको हितमा छैन ।
यसअघि शान्ति प्रक्रियाका प्रमुख दुई पात्र गिरिजाप्रसाद कोइराला र पुष्पकमल दाहालले पालैपालो मुलुकको बागडोर सम्हाल्ने अवसर पाएका थिए । जनआन्दोलन-२ पछि तेस्रो प्रधानमन्त्रीको जिम्मेवारी माधवकुमार नेपालले पाएका छन्, जो आफैं शान्ति प्रक्रियाका अगुवा सहजकर्ता हुन् । शान्ति प्रक्रियाको संवेदनशीलता र यसको असफलताबाट उत्पन्न हुनसक्ने राष्ट्रिय जोखिमको मूल्य उनले सम्भवतः राम्रैसँग बुझेका छन् । त्यसैले वर्तमान टकरावलाई मत्थर पार्न राज्यको कार्यकारीका रूपमा माओवादीलगायत सबै असन्तुष्ट पक्षलाई राजनीतिक संवाद र सहमतिको मार्गमा ल्याउन उनले तत्काल अग्रसरता लिन सक्नुपर्छ ।-सम्पादकीय

चार रुपैयाँ चोर्दा ज्यानै लिए

काठमाडौं, भाद्र ३० - चंगा किन्न चार रुपैयाँ चोरेकै कारण राजधानीको कपनमा एक बालकले ज्यान गुमाएका छन् । चोरी अभियोगमा घरबेटीबाट कुटिएका आठ वषर्ीय अभिषेक गुरुङ शनिबार आफ्नै कोठाको झ्यालमा झुन्डिएको अवस्थामा मृत फेला परेका हुन् ।
आफ्नो पसलबाट रकम चोरेको आरोपमा कपन १ स्थित २३ वषर्ीय ईश्वर केसीका भाइ १८ वषर्ीय किशोरले शनिबार अभिषेकलाई कुटपिट गरेका थिए । बौद्ध प्रहरी वृत्तका अनुसार सिन्धुपाल्चोक हैबुङ २ घर भएका ती बालक आमा मीना र भाइ अमितसँगै ईश्वरको घरमा डेरा गरी बस्दै आएका थिए ।
आमा मीनाले छोराहरूलाई खाना खुवाएर काममा गएको बेला घटना भएको आफन्तले जनाएका छन् । मीना हस्तकलाको काम गर्छिन् । अभिषेकका पिता ऋषिराम वैदेशिक रोजगारका क्रममा ओमानमा छन् ।
'दाइले घरबेटीको चोरेको रकमले चंगा किनेर ल्याउनुभयो,' घटनाका एक मात्र साक्षी छ वषर्ीय भाइ अमितले प्रहरी र आफन्तलाई भने, 'घरबेटीले म र दाइ अभिषेकलाई कुट्यो, दाइ बोल्न छाडेपछि कोठाभित्र लगेर झ्यालमा झुन्ड्याइदियो ।' घटनाको निष्पक्ष छानबिन र दोषीलाई कडा कारबाही माग गर्दै पीडित परिवार र स्थानीयवासीलगायत झन्डै दुई सय जनाले सोमबार बिहानदेखि साँझसम्म वृत्तमा धर्ना दिए । पीडित पक्षको आग्रहमा भाइ अमितलाई समेत राखेर एक छानबिन कमिटी गठन गरिएको प्रहरीले जनाएको छ ।
मृतकका मामा दीपक गुरुङका अनुसार कुटपिटपछि 'आफूलाई चोखो देखाउन' शवको बारेमा ईश्वर र भाइ किशोरले उल्टै स्थानीयवासीलाई खबर गरेका थिए । 'कुट्दा खेरी बेस्सरी चोट लागेर बालकको ज्यान गयो,' दीपकले भने, 'उनीहरूले आफूलाई बचाउन र आत्महत्या देखाउन बालकलाई झुन्ड्याएको देखियो ।'
घरबेटी दुवै दाजुभाइलाई थुनामा राखेर अनुसन्धान भइरहेको बौद्ध प्रहरी वृत्तका डीएसपी गोविन्दराम परियारले बताए । उनले घटनाको निष्पक्ष छानबिन गरेर दोषीलाई कडा कारबाही गरिने प्रतिबद्धता व्यक्त गरे । पोस्टमार्टम रिपोर्टमा हत्याको कारण खुल्न सकेको छैन । पीडित पक्षले पुनः पोष्टमार्टम माग गरेका छन् ।
हत्याको आरोप लागेका किशोरले आफूले हत्या नगरेको बताएका छन् । 'पैसा चोरेपछि एक झापड हानेको हो, त्यसपछि ऊ रुँदै कोठातिर गयो,' उनले प्रहरी बयानमा भनेका छन्, 'मैले उसलाई मारेको होइन ।' डीएसपी परियारले अनुसन्धानको निष्कर्षपछि मात्र केही भन्न सकिने बताए । अभिषेक कपन नीलोपुलस्थित ब्रेनल्यान्ड एकेडेमीमा कक्षा २ मा अध्ययनरत थिए ।

Priyanka & Katrina to launch official websites

Perhaps, before few moments it was ‘Bride Wars’ and now gradually it’s gonna be ‘wars on websites’. The top-charting actresses of Bollywood Priyanka Chopra and Katrina Kaif will be soon launching their official websites. Firstly, Priyanka Chopra admitted that she has got a great gang of online friends found in her twitter as well other social communities. That has gradually urged her to kick-start with her official website…

On the pars, the cherubic Katrina – most googled and searched Bollywood actress on internet has already started making prior arrangements for the launch. It has been revealed straight from her shoulders that the website would be launched by end of this year. Indeed, Katrina Kaif has planned for a special photo shoot for offering exclusive galleries to fans logging to her official website. The only drawback would be that Katrina has no plans about letting know them about her day-to-day schedule.