पुस १ गते बाँडिदैछ केटिभी चलचित्र एवार्ड

लामो समयको प्रतीक्षापछि दोस्रो केटिभी चलचित्र एवार्ड २०६६ को वितरण मिति तय भएको छ । आगामी पुस १ गते बुधबार सोल्टी होटलको बलरुममा हुने एउटा रंगीन समारोहबीच वर्ष २०६५ मा प्रदर्शन भएका उत्कृष्ट चलचित्रलाई पुरस्कृत गरिनेछ । एवार्डका लागि विभिन्न विधामा मनोनीत भएका चलचित्र तथा चलचित्रकर्मीहरूको मनो नयन सँची गत भदौ महिनामै सार्वजनिक भैसकेको छ ।

एवार्ड वितरण समारोह नजिकिंदै जाँदा चलचित्रकर्मीमा एक प्रकारको उत्साह छाएको छ । यस पटकको एवार्डमा पहिलो पटक आफूले निर्माण गरेको चलचित्र 'मिस्टर मंगले' सर्वाधिक २१ विधामा मनोनीत भएपछि नायक तथा निर्माता विरेन श्रेष्ठ व्यग्रताका साथ एवार्ड वितरण समारोह कुरिरहेका छन् । श्रेष्ठ भन्छन्— 'हालसम्म विश्वकै कुनै पनि चलचित्र सर्वाधिक २१ विधामा मनोनीत भएको रहनेछ । अत्यधिक विधामा मनोनीत भएकै कारण अत्यधिक एवार्ड जित्ने कुरामा उत्तिकै विश्वस्त छु ।' उपत्यकाबाहिर राम्रो व्यापार गर्न सफल 'मिस्टर मंगले' बाट निर्देशक किशोर राना -निर्देश्ाक), विरेन श्रेष्ठ -नायक), अरुणिमा लम्साल -नायिका), दिवस उप्रेती -सह-नायक), अंशु महर्जन -हास्यकलाकार), शक्ति लम्साल - हास्यकलाकार), युगेश रायमाझी -कथा, पटकथा, संवाद), विपिन मल्ल -सम्पादन), महाराज थापा -पाश्र्व संगीत), रामशरण उप्रेती -छायांकार) आदि एवार्डका लागि मनोनीत भएका छन् ।

करिब तीन घण्टा लामो रमाइलो कार्यक्रमका बीच ३१ वटा विधाका एवार्ड वितरण गरिने आयोजक संस्थाका मनोज केसी बताउँछन् । केसीका अनुसार कार्यक्रमलाई भव्य रूपले सम्पन्न गर्ने सम्पूर्ण तयारी भैसकेको छ । कार्यक्रममा अरुणिमा लम्साल, विरेन श्रेष्ठ, उषा पौडेल, ऋचा घिमिरे, दिवस उप्रेती आदि नायक-नायिकाले आकर्षक नृत्य प्रदर्शन गर्नेछन् । समारोहमा आकर्षक नृत्य प्रदर्शन गर्नैका लागि उनीहरू विगत दुई महिनादेखि नृत्यको प्रशिक्षणमा व्यस्त छन् । कान्तिपुर टेलिभिजनबाट प्रत्यक्ष प्रसारण हुने यो कार्यक्रममा सांगीतिक प्रस्तुति तथा हास्य कार्यक्रम पनि समेटिनेछन् ।

नेपाल चलचित्र प्रविधिक संघले दोस्रो पटक आयोजना गर्न लागेको एवार्ड समारोहमा सर्वोत्कृष्ट चलचित्रका लागि कडा प्रतिस्पर्धा हुने भएको छ । यो विधामा 'म तिमीबिना मरिहाल्छु', 'सिलसिला', 'मौसम', 'नसिब आफ्नो' तथा 'मिस्टर मंगले' मनोनीत भएका छन् । दर्शकहरूको रुचिका आधारमा भुवन केसीको 'म तिमीबिना मरिहाल्छु' सर्वोत्कृष्ट चलचित्रको प्रबल दाबेदार भएको कुरामा अधिकांश चलचित्रकर्मी एकमत छन् । स्वयं निर्माता भुवन केसी पनि आफ्नो चलचित्र प्रतिस्पर्धी अन्य चलचित्रको तुलनामा उत्कृष्ट भएको बताउँछन् ।

सर्वोत्कृष्ट चलचित्रपछि सर्वोत्कृष्ट निर्देशकको विधामा पनि चर्को प्रतिस्पर्धा हुँदैछ । दयाराम दाहाल -म तिमीबिना मरिहाल्छु), राजेन्द्र उप्रेती -सिलसिला), श्याम भट्टराई -मौसम), नारायण पुरी -मृत्युञ्जय) तथा किशोर राना -मिस्टर मंगले) सबैले निर्देशकको एवार्ड आफैंले पाउने दाबी गरेका छन् । सामान्यतः जुन चलचित्र सर्वोत्कृष्ट ठहरिन्छ, त्यसैका निर्देशकले सर्वोत्कृष्ट निर्देशकको एवार्ड पाउने चलन छ ।

नयाँ निर्देशकतर्फ भने शंकर घिमिरे -विष), विमल पौडेल -जनयुद्ध), विकास आचार्य -नसिब आफ्नो), रञ्जित राना -सहारा) तथा नरेन्द्र थापा -देशदेखि विदेशसम्म) बीच प्रतिस्पर्धा हुँदैछ । भुवन केसी -म तिमीबिना मरिहाल्छु), विरेन श्रेष्ठ -मिस्टर मंगले), आर्यन सिग्देल -मौसम), निखिल उप्रेती -जय शिवशंकर) तथा विराज भट्ट -सिलसिला) सर्वोत्कृष्ट नायकका लागि प्रतिस्पर्धा गर्दैछन् । यो विधामा भुवन केसी तथा विरेन श्रेष्ठबीच कडा प्रतिस्पर्धा हुने सम्भावना छ ।

सर्वोत्कृष्ट नायिकातर्फ झरना थापा -म तिमीबिना मरिहाल्छु), अरुणीमा लम्साल -मिस्टर मंगले), ऋचा घिमिरे -देशदेखि विदेशसम्म), सञ्चिता लुइूटेल -मृत्युञ्जय) तथा रेखा थापा - नसिब आफ्नो) बीच प्रतिस्पर्धा हुँदैछ ।

नवनायक तथा नवनायिकातर्फको प्रतिस्पर्धा पनि कम रोचक छैन । जीवन लुइँटेल -नसिब आफ्नो), सनी बी केसी

-गोरखा रक्षक), दीपकराज गिरी -सुन्दर मेरो नाम), सुवास मेचे -गिरफ्तार) तथा प्रमोद दीप -जिन्दगी) बीच प्रतिस्पर्धा हुँदैछ । नवनायिकातर्फ जेनिशा केसी -नसिब आफ्नो), सञ्चिता गुरुङ -हाम्रो मिलन कहिले हुन्छ), रूपा उपाध्याय -को होला मेरो मायालु), सोनिया केसी -सिलसिला) तथा सोभिता सिम्खङा -सन्देश) बीचको प्रतिस्पर्धा पनि हेर्न लायक हुनेछ ।